നിന്നിലേക്ക്...

തഴുകിയൊരു കുളിര്‍ കാറ്റായി നീ

എങ്ങു പോയി സഖീ??

തൊട്ടാല്‍ അടരും അരയാലില ഞാന്‍
നോക്കു, നിന്നു വിറയ്ക്കു‌ന്നു
ഞെട്ടടര്‍ന്നു പിറകെ ഞാന്‍ എത്തും-
നീയില്ലാതെ ഞാന്‍ ഇല്ലല്ലോ.
വീണും പിന്നെയുരുണ്ടും

പിന്നെ ഉയര്‍ന്നൊട്ടു പറന്നും

നിനക്കു പിന്നില്‍ ഞാനിതെത്ര ദൂരമായി !

മടങ്ങുവാന്‍

ഇനിയെനിക്കു വഴിയറിയില്ല.

അടര്‍ന്ന ഞെട്ടില്‍ ഇനി ഒട്ടിച്ചേര്‍ന്ന്

എനിക്കൊരു ജീവിതവുമില്ല...