ഉപ്പ്

സഖീ നീയാണെനിക്കുപ്പ്.

അറിയുന്നു നിന്നുലൂടെല്ലാരുചികളും ഞാന്‍.
അറിയുക,
ജീവിതത്തിനും നീയാണു രുചിയേറ്റുന്നത്

ഉമിനീരൊഴികെ നിന്നില്‍ നിന്ന് ഊറുന്നതിനെല്ലാം
ഉപ്പാണു രസം !

അറിയുക,
നിന്റെ ചോരയോ വിയര്‍പ്പോ കണ്ണ്ണുനീരോ
എന്തിലും ഞാനാദ്യം രുചിക്കുന്നതുപ്പ്.

പറഞ്ഞില്ലെ,മുന്‍പൊരിക്കല്‍ ഞാന്‍
എന്റെ കരള്‍ മുറിവുകളില്‍ നിന്റെയോര്‍മ്മകള്‍ വീണു നീറുന്നുവെന്ന്.

അതെ, നീയാണെനിക്കുപ്പ്.